सप्तरीको भगनीमा आगलागी हुँदा लाखौँको क्षति

सप्तरी । सप्तरीको सप्तकोशी नगरपालिकामा आगलागी हुँदा १५ लाख बराबरको क्षति भएको छ । वडा नम्बर ११ भगनी टोलमा बिहीबार राती आगलागी हुँदा स्थानीय फुलदेश्वर माझी र विन्देश्वर माझीको काठका दुई तल्ले घर जलेर नष्ट भएका हुन् ।

आगलागीमा १५ लाख बराबरको क्षति भएको प्रहरीले जनाएको छ । क्षतिबारे थप विवरण सङ्कलनको कार्य भइरहेको इलाका प्रहरी कार्यालय कञ्चनपुरका प्रहरी निरीक्षक सुशान्त मिश्रले जानकारी दिनुभयो।

हनुमाननगर कंकालिनी नगरपालिकाबाट आएको वारुण यन्त्रको सहयोगमा आगो नियन्त्रणमा लिइएको स्थानीयले जनाएका छन् ।