बुद्धभूमिमा सवारी दुर्घटना हुँदा दुई जनाको मृत्यु

कपिलवस्तु । कपिलवस्तुमा सवारी दुर्घटना हुँदा दुई जनाको मृत्यु भएको छ ।

बुद्धभूमि नगरपालिका–२, पुरेनामा मङ्गलवार दिउँसो करिब १ बजे स्कुल बसले मोटरसाइकललाई ठक्कर दिँदा सोही नगरपालिका–३, घन्चौराका पवन थापा र वडा नम्बर ४ बुड्ढीका मनिष थारुको मृत्यु भएको प्रहरीले जनाएको छ ।

गोरुसिङ्गेबाट पुरेनातर्फ जाँदै गरेको लु १ ख ९०९२ न.को स्कुल बसले उत्तरबाट दक्षिणतर्फ आउँदै गरेको लु ६६ प ४८७५ न.को मोटरसाइकल एक आपसमा ठोक्किएको प्रहरी निरीक्षक वीर बहादुर सुनारले जानकारी दिनुभयो ।

दुर्घटनामा घाइते भएका थापालाई उपचारको लागि कपिलवस्तु अस्पताल तौलिहवा र थारुलाई चौराहा अस्पताल बुटवल पुराइएको थियो । घाइते दुवै जनालाई चिकित्सकले मृत घोषणा गरेको निरीक्षक सुनारले बताउनुभयो ।