धारिलो हतियार प्रहार गरी बाँकेमा एक युवकको हत्या

बाँके। नेपालगन्ज उपमहानगरपालिका–२१ को बिर्ता गाउँमा एक युवकको हत्या भएको छ । 

नेपालगन्ज उपमहानगरपालिका वडा नम्बर २१ निवासी अन्दाजी २० वर्षका अरबी खाँको हत्या भएको जिल्ला प्रहरी कार्यालय बाँकेका प्रहरी नायव उपरीक्षक एवम् प्रवक्ता नारायण डाँगीले जानकारी दिनुभयो । घाँटीमा धारिलो हतियार प्रहार गरेर खाँको हत्या गरिएको अवस्थामा आइतबार बिहान १०ः०० बजेतिर शव फेला परेको प्रहरी नायव उपरीक्षक डाँगीले जानकारी दिनुभयो ।

मृतक नेपालगन्ज उपमहानगरपालिका वडा नम्बर २१ का पूर्व वडाअध्यक्ष रन्जित खाँको नाती भएको खुलेको छ । घटनाबारे अनुसन्धान भइरहेको प्रहरीले जनाएको छ । 

युवकको शव पोष्टमार्टमका लागि भेरी अस्पताल नेपालगन्जमा राखिएको प्रहरीले जनाएको छ ।