सर्लाहीमा छुट्टाछुट्टै घटनामा दुई जनाको मृत्यु
सर्लाही । सर्लाहीमा छुट्टाछुट्टै घटनामा एक बालिकासहित दुई जनाको मृत्यु भएको छ ।
जिल्लाको गोडैता नगरपालिकामा आज पानीमा डुबेर एक बालिकाको मृत्यु भएको हो ।
गोडैता नगरपालिका–१०, मा सडक बनाउन खनेको खाडलमा घुँगी टिप्न जाँदा डुबेर सोही स्थानका रामप्रवेश महतोको छोरी १३ बर्षीया नेहा कुमारीको मृत्यु भएको हो ।
पानीमा डुबेकी नेहालाई तत्काल उद्धार गरी उपचारको लागि प्रादेशिक अस्पताल मलंगवा पुर्याएपछि चिकित्सकले मृत घोषणा गरेका थिए ।
बालिकाको बव परीक्षणको लागि प्रादेशिक अस्पताल मलंगवामा राखिएको प्रहरीले जनाएको छ ।
यस्तै, जिल्लाको बलरा नगरपालिकामा आज दिउँसो चट्याङ लागेर एक पुरुषको मृत्यु भएको छ ।
पानी परिरहेको अवस्थामा भैँसी चराइरहेका हथिऔल निवासी ४५ वर्षका अर्जुन पटेलको चट्याङ लागेर घटनास्थलमै मृत्यु भएको हो ।
चट्याङ लागेर पटेलले चराइरहेको भैँसी समेत मरेको जिल्ला प्रहरी कार्यालय सर्लाहीका प्रवक्ता एवं डिएसपी दीपेन्द्र पंजियारले जानकारी दिनुभयो ।
मृतक पटेलको शव मुचुल्कासहित पोष्टमाटर्मका लागि जिल्लाबाट प्रहरी टोली घटना स्थल पुगेको छ ।
प्रतिक्रिया राख्नुहोस्