सल्यानको एक डसना पसलमा आगलागी
सल्यान । सल्यानको बागचौर नगरपालिका–२ बागचौरमा आगलागी हुँदा सिरक डसना बनाउने पसल पूर्णरुपमा नष्ट भएको छ ।
आज दिउँसो वनमा लागेको आगो बस्तीमा छिर्दा सिरक डसना बनाउने पसल जलेर नष्ट भएको जिल्ला प्रहरी कार्यालय सल्यानले जनाएको छ ।
पसलमा लागेको आगो नियन्त्रणमा आएको र क्षतिको विवरण सङ्कलन भइरहेको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिनुभयो ।
आगलागीबाट मानवीय क्षति नभएपनि पसलभित्र रहेका सम्पूर्ण सिरक डसना जलेर नष्ट भएको उहाँको भनाई छ ।
पसल नजिकै रहेको खरबारीबाट एक्कासी आगलागी भएको र घटनाको थप अनुसन्धान भइरहेको प्रहरीको भनाई छ ।
प्रतिक्रिया राख्नुहोस्