पूर्वखोला गाउँपालिकामा अध्यक्षसँग ज्येष्ठ नागरिक कार्यक्रम सुरु
पाल्पा । पूर्वी पाल्पाको पूर्वखोला गाउँपालिकामा अध्यक्षसँग ज्येष्ठ नागरिक कार्यक्रम सुरु भएको छ ।
ज्येष्ठ नागरिकहरूको समस्या बुझ्ने, सामाजिक सुरक्षा भत्ता घरदैलोमै वितरण गर्ने, ज्येष्ठ नागरिकको स्वास्थ्य परीक्षण लगायतका कामको लागि अध्यक्षसँग ज्येष्ठ नागरिक कार्यक्रम सुरु गरिएको गाउँपालिकाका अध्यक्ष नुनबहादुर थापाले जानकारी दिनुभयो ।
युवाहरू अध्ययन तथा पेशा व्यवसायको लागी गाउँघर छोड्ने दर बढेकाले यो कार्यक्रम ल्याइएको गाउँपालिकाले जनाएको छ ।
ज्येष्ठ नागरिकसँग अध्यक्ष कार्यक्रम पूर्वखोला गाउँपालिकाको आयोजनामा पूर्वखोला गाउँपालिका ४ देव नगरबाट शुभारम्भ भएको छ ।
यो कार्यक्रम सबै वडाहरूमा क्रमशः लागु हुँदै जाने अध्यक्ष थापाले जानकारी दिनुभयो ।
प्रतिक्रिया राख्नुहोस्