पानीमा डुबेको अवस्थामा एक युवा मृत फेला
सुनसरी I धरान–८ को दुर्गापथ स्थित गैरीगाउँको खहरे खोलाको जमेको पानीमा डुबेको अवस्थामा एक युवा मृत फेला परेका छन् ।
खहरेमा जमेको पानीमा घोप्टो अवस्थामा मृत फेला परेका युवा सोही ठाउको गैरीगाउका अन्दाजी २६ वर्षीय रुपेश खातुन रहेको इलाका प्रहरी कार्यालय धरानका प्रहरी निरीक्षक देउप्रसाद लिम्बुले जानकारी दिए ।
मृतकको टाउकोमा चोट लागेको र पानीमा घोप्टो परेर डुबिरहेको अवस्थामा शव फेला परेको थियो । मृतकको कोठामा खानतलासी गर्दा विभिन्न प्रकारका लागुऔषध र लागुऔषध प्रयोग गरी सेकपछिको लागुऔषधका खोल र सुई फेला परेको प्रहरीले जनाएको छ ।
मृतकको शव मुचुल्का उठाएर अहिले बिपी कोइराला स्वास्थ्य विज्ञान प्रतिष्ठानको शव गृहमा लगिएको छ ।
प्रतिक्रिया राख्नुहोस्