चितवनमा माईक्रोबस दुर्घटना हुँदा चालकसहित १६ जना घाइते
चितवन । चितवनमा माइक्रो बस दुर्घटना हुँदा १६ जना घाइते भएका छन् ।
आज बिहान ७ बजेर ४५ मिनेटमा भरतपुर महानगरपालिका–२९ जुगेडीमा बा ३ ख ४६५४ नम्बरको माइक्रोबस दुर्घटना भएको हो ।
जिल्ला प्रहरी कार्यालय चितवनका प्रहरी नायब उपरीक्षक विजयराज पण्डितले जुगेडी पुलमा माईक्रोबस अनियन्त्रित भई पल्टँदा चालकसहित १६ जना घाइते भएको जानकारी दिनुभयो ।
घाइते मध्ये १३ जनाको चितवन मेडिकल कलेजमा र तीन जनाको उपचार पुरानो मेडिकल कलेजमा भइरहेको छ ।
उनीहरूको अवस्था सामान्य रहेको प्रहरीले जनाएको छ ।
प्रतिक्रिया राख्नुहोस्