कालीगण्डकीमा माथिबाट पहिरो खस्यो, बेनीको कालिपुल बजार क्षेत्रका ३० घरहरू जोखिममा
म्याग्दी । म्याग्दीस्थित कालिगण्डकीमा माथिबाट पहिरो खसेको छ ।
पहिरो खस्दा जिल्लाको सदरमुकाम बेनी बजारको कालिपुल बस्ती जोखिममा परेको छ ।
कालिगण्डकी नदीमा पहिरो खस्दा बस्तीमा छिरेको नदीको छाल र बाढीले तीन जना घाइते भएका छन् भने बाढीले ७ वटा घरमा क्षति पुर्याएको छ ।
पर्वतको जलजला गाउँपालिका–३ मल्लाजमा गए राति साढे २ः०० बजे कालीगण्डकी नदीमा पहिरो खस्दा नदी किनारमा रहेको काली पुल बजारमा छाल सहितको बाढी आएको जिल्ला प्रहरी कार्यालय म्याग्दीले जनाएको छ ।
बाढीले सुविन श्रेष्ठ, राजेन्द्र गुरुङ ,क्षेत्रबहादुर गौचन ,सुरेश पुन ,ताराप्रसाद पुन ,हर्क बहादुर थापा, टिकाबहादुर पुर्जाको घर भत्तकिदा सन्तु पुन, गोविन्द बहादुर बुढा र रेखा नेपाल घाइते भएका छन् ।
सुतिरहेको समयमा ठुलो आवाजसँगै घरभित्र पानी पसेको थियो । पहिरोको कारण कालिपुल बजार क्षेत्रका ३० घरहरू जोखिममा रहेका छन् ।
प्रतिक्रिया राख्नुहोस्