इजरायलका नयाँ प्रधानमन्त्रीमा नफ्ताली बेनेट निर्वाचित

जेरुसेलम। इजरायलमा १२ बर्ष सम्म प्रधानमन्त्री रहनु भएका बेन्यामीन नेतन्याहूलाई पराजित गर्दै दक्षिणपन्थी राष्ट्रवादी नेता नफ्ताली बेनेट नयाँ प्रधानमन्त्रीमा चयन हुनु भएको छ ।

इजरायली संसद नेसेटमा भएको मतदानमा झीनो मतले नेतन्याहूलाई पराजित गर्दै बेनेटले आगामी २०२३ सेप्टेम्बर सम्म प्रधानमन्त्रीको पद सम्हाल्नु हुने छ । त्यस पछिको अवधीमा भने यसअतिद पार्टीका नेता यार लापिडलाई पद हस्तान्तरण गर्ने राजनैतिक सहमति भएको छ ।

इजरायलका नवनियुक्त प्रधानमन्त्री बेनेटलाई अमेरिकी राष्ट्रपति लगायतका विभिन्न देशका सरकार प्रमुखहरूले शुभकामना व्यक्त गरेका छन्।