झापाको भद्रपुर, काँकडभिट्टा र इलामको पशुपतिनगर नाका सिल

भद्रपुर, झापा । भारतको पश्चिम बङ्गालसँग जोडिएको पूर्वी नेपालको सीमा नाका सिल गरिएको छ ।

झापाको भद्रपुर, काँकडभिट्टा र इलामको पशुपतिनगर नाका ७२ घण्टाका लागि सिल गरिएको हो ।

भारतको पश्चिम बङ्गालमा यही वैशाख ४ गते हुने राज्यसभाको निर्वाचनलाई दृष्टिगत गरी आज बिहानदेखि वैशाख ४ गते साँझ ६ बजेसम्मका लागि सीमा सिल गरिएको जिल्ला प्रहरी कार्यालय झापाका डिएसपी राकेश थापाले जानकारी दिनुभयो ।

सो समयमा यातायात तथा मानिसलाई आवतजावत गर्न पूर्ण रोक लगाइएको थापाले बताउनभयो ।