सुनको मूल्य तोलामा ७०० रुपैयाँले कमी 

काठमाडौं । केही दिनदेखि सुनको मूल्यमा आएको गिरावटले मंगलबार पनि निरन्तरता पाएको छ । भदौ ९ गते, मंगलबार सुनको मूल्य तोलामा ७०० रुपैयाँले घटेको छ ।

यस दिन छापावाल सुन प्रतितोला ९७ हजार २०० र तेजाबी सुन प्रतितोला ९६ हजार ७०० रुपैयाँ तोकिएको नेपाल सुन चाँदी व्यवसायी महासंघले जनाएको छ ।

गत मंगलबार प्रतितोला एक लाख ४०० रुपैयाँमा किनबेच भएको सुनको मूल्य त्यसयता ओरालो लागेको छ ।

अन्तराष्ट्रिय बजारमा भने मंगलबार सुनको मूल्य स्थिर रहेको छ । मंगलबार अन्तराष्ट्रिय बजारमा सुन प्रतिअउन्स एक हजार ९३२ डलरमा किनबेच भइरहेको छ ।

यसैगरी चाँदी भने मंगलबार स्थिर रही सोमबार कै कारोबार मूल्य प्रतितोला एक हजार ३२० रुपैयाँ तोकिएको छ ।