पाल्पा बुटवल सडकमा दुईवटा पहिरो, सडक अबरुद्ध बाटो खुलाउने प्रयास जारी

पाल्पा- सिद्धार्थ राजमार्ग अन्तरगत पाल्पा बुटवल सडक खण्ड पुनः अबरुद्ध भएको छ । पाल्पाको तानसेन ८ गौडेपुल र तिनाउँ गाउँपालिकाको दोभानमा पहिरो झरेकोकारण बाटो पुन अवरुद्ध भएको पाल्पाका प्रहरी नायब उपरीक्षक मदन गिरीले जानकारी दिनुभयो ।

तानसेन नगरपालिका–८ गौडेपुल नजिकै शुक्रबार राती पहिरो खस्दा सडक अवरुद्ध भएको थियो । आइतबार राती दुबै स्थानमा पुन पहिरो खस्दा सडक पूर्ण रूपमा अवरूद्द भएको छ । दुवै तर्फ अबरुद्ध सडकमा पाल्पा र बुटवलबाट डोजर लगाएर हटाउने र बाटो खुलाउने काम सुरु गरिएको गिरीले जानकारी दिनुभयो । पाल्पामा वर्षात सुरुभएसँगै सिद्दार्थ राजमार्गको विभिन्न ठाउँमा पहिरो जाने गर्दछ ।