स्वास्थ्यमन्त्री मेहताद्वारा खाद्य प्रविधि तथा गुण नियन्त्रण विभागको अनुगमन

काठमाडौँ । स्वास्थ्य तथा खाद्य स्वच्छता मन्त्री निशा मेहताले आज खाद्य प्रविधि तथा गुण नियन्त्रण विभागको अनुगमन गर्नुभएको छ । 

उहाँले विभागको अनुगमन गर्नुका साथै विभागका कर्मचारीसँग छलफल गर्नुभएको मन्त्रालयका उपसचिव विमला रोकाले जानकारी दिनुभयो । 

मन्त्री मेहताले विभागलाई क्षमता विस्तार गर्दै प्रभावकारी बनाउनुपर्ने जोड दिनुभयो । सो अवसरमा विभागका निमित्त महानिर्देशक शोमाकान्त रिजालले विभागको समग्र कामकारबाहीका बारेमा मन्त्री मेहतालाई जानकारी गराउनुभएको थियो ।