प्रधानमन्त्री केपी ओली शुक्रबार रूपन्देही आउनुहुने

रूपन्देही। प्रधानमन्त्री केपी शर्मा ओली भोलि, शुक्रबार, रूपन्देही आउने हुनुभएकाे छ। उहाँले यस क्षेत्रका विभिन्न कार्यक्रमहरूमा सहभागी हुनुहुनेछ। नेकपा एमालेका केन्द्रिय अध्यक्षसमेत रहनुभएका ओली पाल्पा जिल्लामा तीन कार्यक्रम र रुपन्देही जिल्लामा एक कार्यक्रममा सहभागी हुनु हुनेछ ।

प्रधानमन्त्री ओलीको भ्रमण कार्यक्रम अनुसार, शुक्रबार बिहान सवा ११ बजे पाल्पाको बगनासकाली गाउँपालिकाको भवन उद्घाटन गर्ने कार्यक्रम छ। त्यसपछि, हेलिकप्टरमार्फत उनले बुटवलको बुटवल मण्डपस्थित अन्तर्राष्ट्रिय सम्मेलन केन्द्रमा १२:१५ बजे पुग्ने कार्यक्रम तय भएको छ।

प्रधानमन्त्री ओलीले पाल्पाको तिनाउ गाउँपालिकाको दोभानमा नवनिर्मित प्रशासकीय भवनको उद्घाटन गर्नुभएकाे छ। यसपछि उहाँले त्यहाँ आयोजित कार्यक्रमलाई सम्बोधन गर्नुहुनेछ र सिद्धार्थ राजमार्ग अन्तर्गत सिद्धवावामा निर्माण गरिएको सुरुङमार्गको ब्रेकथ्रु कार्यक्रममा विशेष सहभागिता जनाउनुहुनेछ।

सुरुङमार्गको निर्माण ५ वर्षमा पूरा हुने लक्ष्य छ र यो परियोजना चीनको स्टेट कन्स्ट्रक्सन इन्जिनियरिङ कर्पोरेसनद्वारा ७ अर्ब ३४ करोड २१ लाख रुपैयाँको लागतमा निर्माण भइरहेको छ। २०८३ सालमा यो सुरुङमार्ग सकिने भनिएको छ।

ब्रेकथ्रु उत्सवपछि, प्रधानमन्त्री ओली बुटवल–गोरुसिंगे सडकको स्तरोन्नति सिलान्यास कार्यक्रममा पनि सहभागी हुनुहुनेछ । बुटवलदेखि गोरूसिंगे सडकको पहिलो चरणको निर्माण कार्य प्रधानमन्त्री ओलीले सिलान्यास गर्नुहुनेछ। यो सडकको निर्माणमा यातायात सेवा अवरुद्ध नहुने गरी काम अगाडि बढाइने जनाइएको छ।

यो आयोजनाबाट रूपन्देही र कपिलवस्तुका बस्तीहरूमा आवतजावत सहज र सुरक्षित हुने अपेक्षा गरिएको छ।