रोल्पामा पिकअप दुर्घटना हुँदा चालकको मृत्यु, तीन घाइते

रोल्पा । रोल्पाको त्रिवेणी गाउँपालिकामा पिकअप जिप दुर्घटना हुँदा चालकको मृत्यु भएको छ । 

आज करिब ५ बजे माडी गाउँपालिकाको भितावाङदेखि सुन्तला बोकेर तुलसीपुर तर्फ जाँदै गरेको रा १ च ८६८७ नम्बरको पिकअप जिप त्रिवेणी गाउँपालिका-४ मथुरापानिमा दुर्घटना हुँदा पिकअप चालक अन्दाजी २० वर्षीय हुकुम घर्तिकाे घटनास्थलमा नै मृत्यु भएको प्रहरीले जानकारी दिएकाे छ । गाडीमा सवार अन्य तीन जना गम्भीर घाइते भएका छन् ।

घाइते हुनेहरु  रोल्पा त्रिवेणी गाउपालिका वडा नं.४ चक्री वस्ने वर्ष १४ कि  दिलमाया घर्ति मगर, वर्ष १२ कि सरीता घर्ति मगर, नुवागाउ वस्ने  वर्ष ११ कि करुणा बाठामगर रहेका छन् । घाइते तीनै जनाको उद्धार गरी उपचारको लागि दाङ लगिएको छ ।

जिप अनियन्त्रित भई बाटोदेखि अन्दाजी २० मिटर तल  खस्न पुगेको प्रहरीले जनाएको छ ।