फाल्गुनन्द गोल्डकप : आर्मीलाई हराउँदै आयोजक सेमिफाइनल प्रवेश
पाँचथर । पाँचथरको फिदिममा सञ्चालन भइरहेको ११औँ संस्करणको फाल्गुनन्द गोल्डकप फुटबल प्रतियोगितामा आयोजक सेमिफाइनलमा प्रवेश गरेको छ ।
सोमबार फिदिम मा.वि.को खेलमैदानमा सम्पन्न खेलमा त्रिभुवन आर्मी क्लबलाई टाइब्रेकरमा ४–२ गोल अन्तरले पराजित गर्दै आयोजक फिदिम स्पोर्टिङ क्लब सेमिफाइनलमा पुगेको हो ।
निर्धारित ९० मिनेटको खेलमा गोलरहित बराबरी खेलेपछि खेल टाइब्रेकरमा धकेलिएको थियो । खेलको म्यान अफ द म्याच आयोजकका विशाल दर्जी घोषित हुँदै नगद १० हजार रूपैँया प्राप्त गरे ।
बाइ पाएर क्वाटरफाइनल खेलेको आर्मी हारसँगै प्रतियोगिताबाट बाहिरिएको छ ।
भोलि हुने दोस्रो क्वाटरफाइनल खेलमा मच्छिन्द्र फुटबल क्लब र न्यु स्टार क्लवबीच प्रतिस्पर्धा हुनेछ ।
फिदिम स्पोर्टिङ क्लबको आयोजनामा आगामी पौष १५ गतेसम्म हुने प्रतियोगिताको विजेताले नगद १० लाख ५ सय ५५ रुपैयाँ र उपविजेताले ५ लाख ५ सय ५५ रुपैयाँ पाउने आयोजकले जनाएको छ । यो पुरस्कार राशि जिल्लाकै सर्वाधिक हो ।
प्रतियोगिताको सर्वोकृष्ट खेलाडीले एक थान इभी स्कुटर प्राप्त गर्नेछन् । प्रत्येक खेलमा म्यान अफ दि म्याच हुने खेलाडीले नगद १० हजार पाउँदा सर्वाधिक गोलकर्ताले नगद १५ हजार पाउनेछन् ।
यसैगरी, उत्कृष्ट रक्षक, प्रशिक्षक, फरवार्ड, मिडफिल्डर, गोलरक्षक र उदयमान खेलाडीले समान १०÷ १० हजार प्राप्त गर्नेछन् ।
प्रतिक्रिया राख्नुहोस्