आइसिसीको टोली पोखरामा
पोखरा । विश्वकप क्रिकेटका केही खेल पोखरामा हुन सक्ने सम्भावनाले यतिबेला आइसिसीको टोली पोखरामा रहेको छ ।
नेपालमा सन् २०२७ मा हुने महिलाहरूको यु–१९ वर्ल्ड कप क्रिकेट प्रतियोगिताका केही खेलहरू पोखरामा समेत हुनसक्ने सम्भावनाको खोजी गर्न आइसिसीको एक टोली पोखरा आएको हो ।
नेपालले महिला यू—१९ विश्व कप क्रिकेट आयोजना गर्ने भएपछि पोखरामा पनि यसको कति सम्भावना छ भनेर आइसिसीको टोली पोखरा आएको क्यान गण्डकीका अध्यक्ष सञ्जयकान्त सिग्देलले बताउनुभयो ।
अन्तर्राष्ट्रिय क्रिकेट परिषद्(आइसिसी) को बोर्ड बैठकले सन २०२७ मा नेपाल र बङ्गलादेशमा उक्त वर्ल्ड कप क्रिकेट आयोजना गर्ने निर्णय गरेको छ ।
प्रतिक्रिया राख्नुहोस्