नितनपुरमा मोटरसाइकल दुर्घटना हुँदा एक युवकको मृत्यु

बारा । बाराको नितनपुरमा मोटरसाइकल दुर्घटना हुँदा एक युवकको मृत्यु भएको भने अन्य दुई घाइते भएका छन् ।

मृत्यु हुनेमा मोटरसाइकल चालक वीरगन्ज महानगरपालिका–१० विन्दवासिनीका २० वर्षीय राज मियाँ रहेका छन् । उनको उपचारका क्रममा एलएस न्यूरो अस्पतालमा मृत्यु भएको बारा प्रहरीले जनाएको छ ।

दुर्घटनामा पर्सा बहुदरमाई नगरपालिका–६ भवराटारका १७ वर्षी महबुब मियाँ र वीरगन्ज महानगरपालिका–१० केहुनियाका १६ वर्षीय विक्की यादव घाइते भएका छन् । उनीहरूको एलएस न्यूरो अस्पतालमा उपचार भइरहेको छ ।

जीतपुरबाट वीरगन्जतर्फ जाँदै गरेको मधेश प्रदेश ०३–०२८प ३९०९ नम्बरको मोटरसाइकल जीतपुरसिमरा उपमहानगरपालिका–१० नितनपुरस्थित शिवशक्ती पेट्रोल पम्प अगाडि अनियन्त्रित भई सडक छेउको रेलिङमा ठोक्किएको थियो ।