रानिमत्तामा गाडी दुर्घटना अपडेट : चार जनाको मृत्यु, ३० घाइते

सुर्खेत ।  सुर्खेत–दैलेख सीमास्थित वीरेन्द्रनगर नगरपालिका–१४, को रानिमत्तामा भएको फोर्स गाडी दुर्घटनामा परी चार जनाको मृत्यु भएको छ । 

आज दिउँसो साढे २ बजेको समयमा दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको फोर्स गाडी अनियन्त्रित भई दुर्घटना हुँदा चार जनाको मृत्यु हुनुका साथै ३० जना घाइते भएका छन् । 

प्रहरीका अनुसार मृत्तकको पहिचान अझै खुल्न सकेको छैन । 

३४ जना सवार उक्त गाडी सडकभन्दा झण्डै दुई सय मिटर तल खसेको जिल्ला प्रहरी कार्यालय सुर्खेतका सूचना अधिकारी (डिएसपी ) वीरेन्द्रवीर विश्वकर्माले जानकारी दिनुभयो । उहाँका अनुसार ३ जनाको अवस्था गम्भीर रहेको छ ।