पटाका पट्काउँदा बालकको मृत्यु

दैलेख । पटाका पड्काउँदा दैलेखमा एक बालकको मृत्यु भएको छ ।

मृत्यु हुनेमा आठबीस नगरपालिका–३ साई गाउँका भीमबहादुर कठायतका १३ वर्षीय छोरा भूपेन्द्र कठायत रहेका छन् ।

दीपावलीको रकेट बम पटाकाको छर्रा लागेर भूपेन्द्रको मृत्यु भएको प्रहरीले जनाएको छ । दायाँ छातीमा पटाकाको छर्रा लाग्दा घाइते अवस्थामै अस्पताल लगे पनि चिकित्सकले मृत घोषणा गरेको परिवारका सदस्यले बताएका छन् ।

मृतक स्थानीय विद्यालयमा कक्षा ६ मा अध्ययनरत थिए । कमजोर आर्थिक अवस्थाकै कारण बुवा आमासँगै भारत गएका थिए । घटना भारतमा भएकाले आवश्यक जानकारी लिने काम भइरहेको जिल्ला प्रहरी कार्यालय दैलेखका डिएसपी सुनिल दाहालले बताउनुभयो ।