जन्ति बोकेको स्कारपियो दुर्घटना, दुईको मृत्यु 

रौतहट। रौतहटमा जन्ति बोकेको स्कारपियो शुक्रबार दुर्घटना हुँदा २ जनाको मृत्यु भएको छ ।

देबाहीगोनाही नगरपालिकाको धरहरी बाट जन्ति बोकेर सर्लाही जिल्लाको चक्रघटा घर फर्कने क्रममा एच आर ७० डी ८३८२ नम्बरको स्कारपियो गाडी गढीमाई नगरपालिका वार्ड नं. ६ सिंगारमन धर्मपुरमा दुर्घटना हुँदा काठमाडौँ निवासी कुल बहादुर श्रेष्ठ र सर्लाही चक्रघटा ३ निवासी ७ वर्षीय श्वेता कुमारीको मृत्यु भएको हो ।

दुर्घटनामा गम्भीर घाइते भएका उनीहरूको  प्रादेशिक अस्पताल गौरमा उपचार गर्ने क्रममा मृत्यु भएको प्रहरीले जनाएको छ । स्कारपियो अचानक अनियन्त्रित भई सडकको छेउमा रहेको नहरमा दुर्घटना भएको ईलाका प्रहरी कार्यालय गरुडाले जनाएको छ ।