युएइद्वारा सिंगापुर पराजित

काठमाडौं । काठमाडौँमा जारी एसियन क्रिकेट काउन्सिल (एसीसी) प्रिमियर कपमा युएइले सिंगापुरलाई पराजित गरेको छ ।

टियु मैदान कीर्तिपुरमा भएको खेलमा युएइले सिंगापुरलाई २ सय १ रनको फराकिलो अन्तरले पराजित गरेको हो ।

युएइले दिएको ४ सय ७२ रनको लक्ष्य पछ्याएको सिंगापुरले निर्धारित ५० ओभरमा ९ विकेट गुमाएर २ सय ७० रन मात्र बनायो । टस जितेर पहिले ब्याटिङ गरेको युएई अन्तिम बलमा अलआउट हुँदै ४ सय ७१ रन बनाएको हो ।