खजुरा खोलामा पक्की पुल निमार्णको शिलान्यास
नवलपरासी । नवलपरासी (बर्दघाट– सुस्ता पश्चिम) को बर्दघाट नगरपालिका अन्तर्गत वडा नं.५ र १६ जोड्ने खजुरा खोलामा पक्की पुल निमार्णका लागि शिलान्यास गरिएको छ ।
प्रतिनिधिसभा सदस्य विनोद चौधरीले आज उक्त पुलको शिलान्यास गर्नुभएको हो।
कुल रु ९ करोड ७७ लाखको लागतमा ३० महिनाभित्र निर्माण सम्पन्न हुने लक्ष्य लिएको पुल संघीय सरकार अन्तर्गत भौतिक पूर्वाधार मन्त्रालयको लगानीमा निर्माण हुन लागेको हो ।
पुलको शिलान्यास गर्नुहुँदै सांसद चौधरीले ठेकेदार कम्पनीले तोकिएको समयभित्रै काम सम्पन्न गर्न आफूले सहयोग गर्ने प्रतिबद्धता व्यक्त गर्नुभयो । उहाँले पुल निर्माणपछि त्रिवेणी धाम पुग्न सबैभन्दा नजिकको बाटो हुने विश्वास व्यक्त गर्नुभयो ।
७५ मिटर लम्बाइ र ११ मिटर चौडाइमा निर्माण हुने पुल निर्माणपछि नवलपरासी (बर्दघाट–सुस्ता पश्चिम)का ग्रामीण क्षेत्रमा यातायातको पहुँच विस्तारमा सहयोग पुग्ने विश्वास लिइएको छ ।
प्रतिक्रिया राख्नुहोस्