उपत्यकामा थप एक हजार पाँच सय ९९ जनामा कोरोना सङ्क्रमण पुष्टि

काठमाडौं । उपत्यकामा आज एक हजार पाँच सय ९९ जनामा कोरोना सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयको आजको नियमित प्रेस व्रिफिङ्मा मन्त्रालयका प्रवक्ता प्रा.डा.जागेश्वर गौतमले दिनुभएको जानकारी अनुसार उपत्यकामा थप एक हजार पाँच सय ९९ जनामा कोरोना भाइरसको सङ्क्रमण पुष्टि भएको हो ।

सङ्क्रमित हुनेहरुमा काठमाडौँमा एक हजार तीन सय ७३ जना, ललितपुरमा एक सय ८७ जना र भक्तपुरमा ३९ जना गरी आज उपत्यकामा थप एक हजार पाँच सय ९९ जनामा कोरोना सङ्क्रमण पुष्टि भएको मन्त्रालयका प्रवक्ता प्रा.डा. गौतमले जानकारी दिनुभयो ।

त्यसैगरी आज देशभर आठ सय ३० जना महिला र एक हजार चार सय २३ पुरुष गरी दुई हजार दुई सय ५३ जनामा कोरोना भाइरसको सङक्रमण पुष्टि भएको छ । योसँगै नेपालमा कोरोना सङ्क्रमितको कुल सङ्ख्या ८६ हजार आठ सय २३ पुगेको छ ।

त्यस्तै आज देशभर आज एक हजार तीन सय २९ जना कोरोना भाइरसको सङ्क्रमणबाट निको भई डिस्चार्ज भएका छन् । योसँगै कोरोना भाइरस सङक्रमणबाट निको भई डिस्चार्ज हुनेको कुुल सङ्ख्या ६४ हजार ६९ जना रहेको मन्त्रालयका प्रवक्ता प्रा.डा.गौतमले जानकारी दिनुभयो ।