कांग्रेस संसदीय दलको बैठक सुरु, समसामयिक राजनीतिक विषयमा छलफल हुँदै
काठमाडौँ।नेपाली कांग्रेस संसदीय दलको बैठक सुरु भएको छ ।
सिंहदरबारस्थित संसदीय दलको कार्यालयमा केहीबेरअघि बैठक सुरु भएको हो ।
बैठकमा समसामयिक राजनीतिक विषय, पछिल्लो समय पत्रकार पक्राउ तथा सञ्चारमाध्यममाथि प्रहरी परिचालन गरिएका घटनालगायत विषयमा छलफल हुने प्रमुख सचेतक बासना थापाले जानकारी दिनुभयो ।
यस्तै, संसदीय दल र पार्टीबीचको सम्बन्धका विषयमा पनि बैठकमा छलफल हुने उहाँले बताउनुभयो ।
यसअघि हिजो आइतबार कांग्रेस सभापति गगनकुमार थापाले सरकारका विषयमा पार्टीको धारणा सार्वजनिक गर्नुभएको थियो ।
नेपाली कांग्रेसले आजै दिउँसो अन्य प्रतिपक्षी दलहरूसँग पनि बैठक बोलाएको छ ।
प्रतिक्रिया राख्नुहोस्