कांग्रेसको १५औँ महाधिवेशन : केन्द्रीय पदाधिकारीको मतगणना जारी
काठमाडौँ । नेपाली कांग्रेसको १५औँ महाधिवेशन अन्तर्गत केन्द्रीय पदाधिकारीको मतगणना जारी छ ।
सानेपामा जारी मतगणनामा ४ हजार १ सय मत गणना सकिँदा खुल्ला उपसभापतितर्फ डा चन्द्रकान्त भण्डारीले २ हजार ४५ मत प्राप्त गरी अग्रता लिइरहनुभएको छ ।
खूला उपसभापतितर्फ अन्य उम्मेदवारहरू इन्जिनियर मधु आचार्यले १ हजार २ सय ७८, गोविन्द भट्टराईले १ हजार ९१, सुरेन्द्रराज पाण्डेले १ हजार ६५, दीपक गिरीले ५ सय ७९, धनराज गुरुङले ९ सय ८ र प्राध्यापक डा.चन्द्रमोहन यादवले ३ सय ३५ मत प्राप्त गर्नुभएको छ ।
यसैगरी समावेशी तर्फको उपसभापति पदमा विनोदकुमार चौधरी १ हजार २६, जीवन परियारले ९ सय ७९, फरमुल्लाह मंसुरले ५ सय ६५,सीता गुरुङले ६ सय ७६, रञ्जित कर्णले ३ सय ११ मत प्राप्त गुर्नभएको छ ।
यस्तै खुल्ला महामन्त्रीतर्फ प्रदीप पौडेल २ हजार ३ सय ९१, उदय शम्शेर राणाले १ हजार ३ सय ३३, डा.सुनिलकुमार शर्माले १ हजार १ सय ७५, अमरसिंह पुन मगरले ८ सय ८७, गुरुराज घिमिरेले ८ सय २३, नैनसिंह महरले ५ सय ३९ मत प्राप्त गर्नुभएको छ ।
यसैगरी महिला महामन्त्री तर्फ डा.डिला संग्रौला पन्तले १ हजार ८ सय १६, महालक्ष्मी उपाध्याय (डिना)ले १ हजार ६ सय ३१ र रीता खनालले ४ सय २० मत प्राप्त गर्नुभएको छ ।
नेपाली काँग्रेसको १५ औँ महाधिवेशन अन्तर्गत भएको मतदानमा कूल ७ हजार १३ मत खसेको थियो ।
उपसभापति र महामन्त्रीको मतगणना आज राती सम्ममा सकिने छ भने अहिले केहीबेर अघिबाट सहमहामन्त्री तर्फको पनि मतगणना सुरु भएको नेपाली काँग्रेसले जनाएको छ ।
प्रतिक्रिया राख्नुहोस्