तिनाउ नदीमा हाम फालेर एक पुरुष बेपत्ता

रूपन्देही । रूपन्देहीको बुटवलस्थित तिनाउ नदीमा हाम फालेर एक पुरुष बेपत्ता भएका छन्।

बुटवल उपमहानगरपालिका–११, देवीनगर र बुद्धनगर जोड्ने तिनाउ नदीको पुलबाट शुक्रबार राति करिब ३५-३६ वर्षीय पुरुष नदीमा हाम फालेका हुन्।

स्थानीय जनप्रतिनिधि नकुल शाहीका अनुसार नदीमा हाम फालेका पुरुषको हालसम्म नाम, थर र ठेगाना खुल्न सकेको छैन। इलाका प्रहरी कार्यालय बुटवलले बेपत्ता पुरुषको खोजी कार्य जारी राखेको छ।

ती पुरुष बजार क्षेत्रमा नियमित मदिरा सेवन गर्ने र मागेर खाने व्यक्ति रहेको स्थानीयले बताएका छन्।