नेपालीहरूको सुरक्षाका लागि सरकार सबै किसिमको तयारीमा ः मन्त्री शर्मा

काठमाडौँ । परराष्ट्र मन्त्री बालनन्द शर्माले मध्य एसियामा रहेका नेपालीहरू द्वन्द्वमा प्रत्यक्ष लक्षित नरहेकाले सुरक्षित रहेको बताउनुभएको छ ।

परराष्ट्र मन्त्रालयमा आज आयोजित पत्रकार सम्मेलनमा मन्त्री शर्माले मध्य एसियामा रहेका नेपालीहरूको उद्धार एवं सुरक्षाका लागि शुरु गरिएको तथ्याङ्क सङ्कलनमा हालसम्म ८३ हजार भन्दा बढीले सम्बन्धित नियोगहरूबाट फारम भरेको जानकारी दिनुभयो ।

मन्त्री शर्माले नेपालीहरूको सुरक्षाका लागि सरकार सबै किसिमको तयारीमा रहेको बताउनुभयो ।

पत्रकार सम्मेलनमा परराष्ट्र मन्त्रालयका सचिव अमृत बहादुर राईले मध्य एसियामा रहेका नेपालीहरूलाई सुरक्षाका हिसाबले तत्काल उद्धार गरेर स्वदेश ल्याउनु पर्ने अवस्था नरहेको बताउनुभयो ।

सचिव राईले मध्य एसियामा रहेको नेपाली श्रमिकहरूको सुरक्षाका लागि त्यहाँ श्रमिक पठाउने अन्य मुलुकहरूको समन्वयमा आवश्यक व्यवस्था गरिएको बताउनुभयो ।

मन्त्रालयका प्रवक्ता लोक बहादुर पौडेल क्षेत्रीले मध्य एसियामा अव बिस्तारै अवस्था सहज हुँदै जाने आँकलन गरिएको बताउनुभयो ।

मध्य एसियामा औपचारिक रुपमा करिब २० लाख र अनौपचारिक रुपमा २५ देखि ३० लाख नेपाली रहेको परराष्ट्र मन्त्रालयले जनाएको छ ।