ट्याक्टर दुर्घटना हुँदा बझाङमा दुई जनाको मृत्यु, एक गम्भीर घाइते
बझाङ । बझाङको थलारा गाउँपालिका–२ दंगाजीमा आज साँझ ट्याक्टर दुर्घटना हुँदा दुई जनाको घटनास्थलमै मृत्यु भएको छ भने ट्याक्टर चालक गम्भीर घाइते भएका छन् ।
दुर्घटनामा दंगाजी काँडा घर भएका ६४ वर्षीयका पौमले खाती र ६८ वर्षका जसे खाती रहेको दंगाजीका निवर्तमान वडा अध्यक्ष हेम खड्काले रेडियो नेपाललाई जानकारी दिनुभयो ।
दुर्घटनामा कैलाली भजनी घर भएका चालक खुसीराम चौधरी गम्भीर घाइते भएका छन् । स्थानीय झोता बजारबाट सामान लिएर गएको ट्याक्टर दंजाजीमा दुर्घटना भएको हो ।
घाइते चौधरीलाई उपचारका लागि जिल्ला अस्पताल ल्याउन लागेको र घटनाको थप अनुसन्धान भइरहेको प्रहरी जनाएको छ ।
ट्याक्टर सडकबाट पाँच सय मिटर तल खसेको प्रहरीले जनाएको छ ।
प्रतिक्रिया राख्नुहोस्