केपी ओली कप : स्याङ्जा र काठमाडौँको विजयी सुरुवात 

पोखरा । पोखरामा शनिबारदेखि केपी ओली कप टि–२० राष्ट्रिय खुल्ला पुरुष क्रिकेट प्रतियोगिता २०८१ सुरु भएको छ । 

मदन भण्डारी स्पोट्र्स एकेडेमीको आयोजनामा पोखरा रङ्गशालास्थित क्रिकेट मैदानमा पहिलो दिन दुई खेल सम्पन्न भएका छन् । प्रतियोगिताको पहिलो खेलमा स्याङ्जा र दोस्रो खेलमा काठमाडौँ विजयी भएका छन् । 

पहिलो खेलमा स्याङ्जा क्रिकेट क्लबले पोखरा महानगर क्रिकेट क्लबलाई २३ रनले पराजित गरेको छ । १ सय ६२ रनको विजयी दिएको पोखरा महानगरपालिकालाई १ सय ३८ रनमा रोक्दै स्याङ्जाले विजयी सुरुवात गरेको हो । 

दोस्रो खेलमा काठमाडौँले हेटौडालाई ११ रनले पराजित गर्‍यो । १ सय ५२ रनको विजयी लक्ष्य पाएको हेटौडा २० ओभरमा १ सय ४० रनमै अलआउट हुन पुग्यो । हेटौडाका लागि सुभ कंशाकरले ५४ रनको अर्ध शतकीय इनिङ खेले पनि जितका लागि पर्याप्त भएन । उहाँले २४ बलमा ९ चौका र २ छक्का प्रहार गर्नुभयो । 

प्रतियोगिताको उद्घाटन सञ्चार तथा सूचना प्रविधि मन्त्री एवं सरकारका प्रवक्ता पृथ्वीसुब्बा गुरुङले गर्नुभएको थियो ।