पानी उद्योग प्रयोगशाला विहीन, उपभोक्ता अशुद्ध पानी पिउन बाध्य

सर्लाही । सर्लाहीका पानी उद्योग प्रयोगशाला विहीन रहेको पाइएको छ । खाद्य प्रविधि तथा गुण नियन्त्रण डिभिजन कार्यालयका अनुसार सर्लाहीमा सञ्चालित अधिकांश पानी उद्योगमा प्रयोगशाला नभएको पाइएको हो । 

तत्काल प्रयोगशाला सञ्चालनमा ल्याउन निर्देशन दिइएको कार्यालयले जानकारी दिएको छ । जिल्लाका सबै पानी उत्पादन तथा प्रशोधन उद्योगको अनुगमन गर्दा प्रयोगशाला नभेटिएको हुँदा तत्काल प्रयोगशाला सञ्चालन गरेर प्रमाणसहित कार्यालयमा जानकारी दिन भनिएको खाद्य प्रविधि तथा गुण नियन्त्रण डिभिजन कार्यालयले जनाएको छ ।

कार्यालयले दिएको जानकारी अनुसार प्रयोगशाला नहुँदा उपभोक्ता अशुद्ध पानी पिउन बाध्य छन् । प्रशोधित पिउने पानी उत्पादन मापदण्ड सम्बन्धी निर्देशिका–२०७४ अनुसार पानी उद्योगहरूले प्रयोगशालाको व्यवस्था गर्नुपर्ने उल्लेख छ ।