स्वास्थ्य स्वयम् सेविकाहरूलाई साइकल र छाता वितरण

बर्दिया । बढैयाताल गाउँपालिका–८ को कार्यालयले महिला स्वास्थ्य स्वयम् सेविकाहरूलाई साइकल र छाता वितरण गरेको छ ।  स्वयम् सेविकाहरूको मेहनतको कदर गर्दै गर्मी याममा काम गर्न सहज होस् भनेर साइकल वितरण गरिएको कार्यालयले जनाएको छ । 

१२ जना महिला महिला स्वास्थ्य स्वयम् सेविकाहरूलाई वडाबाट विनियोजित एक लाख बजेटबाट साइकल, छाता र ३ हजार ३ सय प्रोत्साहन भत्ता समेत वितरण गरिएको हो । 

लामो समयदेखि न्यून पारिश्रमिक र सेवा सुविधामा निरन्तर गाउँ टोलमा अहोरात्र खटिने महिला स्वास्थ्य स्वयंसेविकाहरूलाई आवत जावतमा सहज होस् भनेर साइकल र छाता वितरण गरिएको वडाध्यक्ष तेजनाथ पौडेलले बताउनुभयो ।