बागलुङमा जिप दुर्घटना: एकको मृत्यु,३ जना घाइते
बागलुङ । बागलुङको गलकोटमा बिहीबार पिकअप जिप दुर्घटना हुँदा १ जनाको मृत्यु भएको छ ।
दुर्घटनामा परेका गलकोट नगरपालिका वडा नम्बर ११ रिघाका २२ वर्षीय विष्णु रानालाई तत्काल गलकोट नगर अस्पतालमा पुर्याएको र केहीबेर पछि अस्पतालले मृत घोषणा गरेको गलकोट नगरपालिकाका नगर प्रमुख भरत शर्मा गैरेले जानकारी दिनुभयो ।
बिहान १०ः३० बजेको समयमा ग १ ज ६१०० नम्बरको पिकअप जिप गलकोट नगरपालिका वडा नम्बर –३ हटिया बजारबाट कोतमैदानतर्फ जाँदै गर्दा अनियन्त्रित भई सडक बाट १ सय मिटर तल खसेको थियो । दुर्घटना बाट अन्य ३ जना घाइते भएका छन्।
दुर्घटनामा परी चालक गलकोट नगरपालिका वडा नम्बर ५ सर्दाखेतका २२ वर्षीय राजन विक, गलकोट नगरपालिका वडा नम्बर ४ डाँडा खेतका १९ वर्षीय रमेश सुनार र गलकोट नगरपालिका वडा नम्बर ३ बोहोराफाँटका १९ वर्षीय अशोक बोहोरा घाइते भएको प्रहरीले जनाएको छ ।
घाइतेहरूको अहिले गलकोट नगर अस्पतालमा उपचार भइरहेको छ । घटनाको थप विस्तृत विवरण आउन बाँकी रहेको छ ।
प्रतिक्रिया राख्नुहोस्