तपाईँ सुन्दै हुनुहुन्छः

७५ औँ वार्षिकोत्सव : प्रादेशिक प्रसारण कार्यालय बर्दिबासमा विभिन्न कार्यक्रमको आयोजना

जनकपुरधाम । सार्वजनिक सेवा प्रसारण नेपाल, रेडियो नेपालको ७५ औँ वार्षिकोत्सवको अवसरमा प्रादेशिक प्रसारण कार्यालय मधेश प्रदेश बर्दिबासले आज विभिन्न कार्यक्रमहरूको आयोजना गरेर मनाएको छ । 

प्रादेशिक प्रसारण कार्यालयले आयोजना गरेको अतिरिक्त क्रियाकलाप अन्तर्गतको विभिन्न खेलकुद प्रतियोगितामा विजयी भएका कर्मचारी खेलाडीहरूलाई कार्यालय प्रमुख रामपुकार रामले पुरस्कार वितरण गर्नुभएको हो । 

वार्षिकोत्सवको अवसरमा आयोजना गरिएको भलिबल प्रतियोगितामा प्राविधिक अधिकृत शम्भु ढुङ्गाना नेतृत्वको टिमले प्रथम स्थान प्राप्त गर्नुभयो ।

यसै गरि घैटाफोर कार्यक्रममा वरिष्ठ प्राविधिक सहायक यादव पोखरेल, सियो धागोमा भोजपुरी समाचार बाचिका नम्रता कर्ण तथा बुद्धिचाल प्रतियोगितामा वरिष्ठ प्राविधिक सहायक कमल साह प्रथम स्थान प्राप्त गरि पुरस्कृत हुनुभयो । 

खेलकुद प्रतियोगिता रेडियो नेपालको वार्षिकोत्सवको अवसरमा आयोजना गरिएको थियो । 

प्रतिक्रिया राख्नुहोस्

Back to top button