तपाईँ सुन्दै हुनुहुन्छः

नेपाल र थाइल्याण्डबीचको सम्बन्ध थप मजबुत : प्रधानमन्त्री ओली 

काठमाडौँ । प्रधानमन्त्री केपी शर्मा ओलीले अप्रिल १ देखि थाइल्याण्डमा सुरु भएको पाँच दिने औपचारिक भ्रमणले नेपाल र थाइल्याण्डबीचको सम्बन्ध थप मजबुत भएको बताउनुभएको छ। 

बुधबार थाइल्याण्डकी प्रधानमन्त्री पेटोङतार्न शिनावात्रालाई भेट्नुभएका प्रधानमन्त्री ओलीले संस्कृति, पर्यटन, शिक्षा र ऊर्जा क्षेत्रमा सहकार्य वृद्धि हुने विश्वास व्यक्त गर्नुभयो । 

समकक्षीसँगको भेटवार्तापछि आयोजना गरिएको संयुक्त पत्रकार सम्मेलनमा प्रधानमन्त्री ओलीले नेपाल र थाइल्याण्डबीचको ६५ वर्ष लामो कूटनीतिक सम्बन्धको महत्त्वमाथि जोड दिँदै नेपालको आतिथ्य र हवाई सेवामा थाई लगानी बढाउन आह्वान गर्नुभयो । उहाँले कृषि, व्यापार र पर्यटनमा दुई देशबीचको बलियो सम्बन्धलाई उजागर गर्दै थाइल्याण्डका व्यवसायीहरूलाई नेपालमा लगानी गर्न आग्रह गर्नुभयो । 

सो अवसरमा प्रधानमन्त्री ओलीले थाइल्याण्डकी प्रधानमन्त्री पेटोङतार्न शिनावात्रालाई नेपाल भ्रमणको निम्तो पनि दिनुभयो ।  

यो भ्रमण नेपालका प्रधानमन्त्रीबाट थाइल्याण्डको पहिलो औपचारिक भ्रमण हो। यसअघि, सन् १९८३ मा थाइल्याण्डका तत्कालीन प्रधानमन्त्री प्रेम तिन्सुलानोन्दले नेपाल भ्रमण गर्नुभएको थियो।

प्रतिक्रिया राख्नुहोस्

Back to top button