अछाममा मोटरसाइकलको ठक्करबाट एक महिलाको घटनास्थलमै मृत्यु 

अछाम  । अछाममा मोटरसाइकलले ठक्कर दिँदा एक जना महिलाको घटना स्थलमै मृत्यु भएको छ । जिल्लाको कमलबजार नगरपालिका वडा न-१ मोटरकाट्या  स्थानमा मोटरसाइकलले ठक्कर दिँदा कमलबजार नगरपालिका वडा न-१ मुलीकी ७२ वर्षीय मैसरा ढकालको मृत्यु भएको हो । 

कमलबजार तुर्माखाँद सडकखण्डमा कमलबजारबाट तुर्माखाँद तर्फ जाँदै गरेको सुपप्र ०१००८ प ४०३ नम्बरको मोटरसाइकलले ढकाललाई बाटो काटिएको अवस्थामा ठक्कर दिएको हो । सो मोटरसाइकलका चालक अछाम तुर्माखाँद गाउँपालिका वडा न-५ नाडा बस्ने २३ वर्षीय लक्ष्मण बहादुर शाहीलाई प्रहरीले नियन्त्रणमा लिएको छ । मृतकको शव अहिले घटना स्थलमा रहेको र त्यहाँ  ईलाका प्रहरी कार्यालय  कमलबजारबाट प्रहरी नायब निरीक्षक बिर सिंह चैसीरको कमाण्डमा-७ जनाको टोली खटिगएको छ साथै जिल्ला प्रहरी कार्यालय मङ्गलसेन अछामबाट प्रहरी निरीक्षक टेक बहादुर देउवाको कमाण्डमा समेत टोली खटिएको जिल्ला प्रहरी कार्यालय अछामका प्रमुख  प्रहरी नायव उपरीक्षक ईश्वरी प्रसाद भण्डारीले बताउनुभएको छ ।