यादव सेवा समिति दुहबीद्वारा रेडियो नेपालकर्मी सम्मानित

सुनसरी । नेपाल यादव सेवा समिति दुहबीले रेडियो नेपालका आषिश यादव र गोरखापत्र दैनिकका इनरुवा समाचारदाता जयकृष्ण यादवसहित ६ जना पत्रकारलाई सम्मान गरेको छ ।

सम्मानित पत्रकारहरूमा रेडियो नेपालका आषिश यादव, गोरखापत्रका जयकृष्ण यादव, नेपाल टेलिभिजनका सन्तोष यादव, गणेश कुमार यादव, सत्य संसार साप्ताहिकका विनायक प्रसाद यादव र दिपेन्द्र कुमार यादव रहनुभएको छ ।

दोसल्ला र सम्मान पत्रका साथ उहाँहरूलाई सम्मान गरिएको समितिका दुहबी अध्यक्ष गोविन्द यादवले जानकारी दिनुभयो । त्यसैगरी नगर क्षेत्रका छोरी र बुहारी सहितका उच्च शिक्षा उत्तीर्ण महिलाहरूलाई पनि सम्मान गरिएको अध्यक्ष यादवले जानकारी दिनुभयो ।

नेपाल यादव सेवा समिति नगर कमिटी दुहबीको पदस्थापनको अवसरमा ५० जना ज्येष्ठ नागरिक, पाँच पत्रकार तथा २० बुद्धिजीवी र ३० जना महिला (१०+२ उत्तीर्ण) हरूलाई सम्मान गरेको हो ।