नेपाल पुलिस र त्रिभुवन आर्मी क्लब सेमिफाइनल प्रवेश
रुपन्देही । नेपाल पुलिस क्लब र त्रिभुवन आर्मी क्लब बुटवलमा जारी मदन भण्डारी गोल्डकप इन्डो नेपाल पुरुष भलिबल च्याम्पियनसिपको सेमिफाइनलमा प्रवेश गरेका छन् ।
लिग चरणका अन्तिम खेलमा जित निकाल्दै आर्मी र पुलिस समूह विजेता समेत बनेका हुन् । यता समूह चरणमा उपविजेता बनेका गुजरात स्टेट भलिबल क्लब र मणिमुकुन्द भलिबल क्लबले सेमिफाइनलमा ठाउँ बनाएका छन् ।
आज भएको पहिलो खेलमा नेपाल पुलिस क्लबले रुकुम पश्चिम भलिबल प्रशिक्षण केन्द्रलाई ३–० को सोझो सेटमा पराजित गर्यो ।
भोली (मङ्गलवार) पहिलो सेमिफाइनल दिउँसो १२ बजे नेपाल पुलिस क्लब र गुजरात स्टेट भलिबल क्लबबिच तथा दोस्रो सेमिफाइनल दिउँसो ३ बजे त्रिभुवन आर्मी क्लब र मणिमुकुन्द भलिबल क्लबबिच हुनेछ ।
प्रतिक्रिया राख्नुहोस्