कलभर्टभित्र पसेर माछा मार्ने क्रममा एक जनाको मृत्यु

दाङ । दाङमा कलभर्टभित्र माछा मार्ने क्रममा एक जनाको मृत्यु भएको छ।

दाङ गढवा गाउँपालिका–६ सर्वोदय चोकका ६६ वर्षीय ढोर्री कुमालको कलभर्टभित्र पसेर माछा मार्ने क्रममा मृत्यु भएको इलाका प्रहरी कार्यालय गढवाका प्रहरी निरीक्षक कालिका कार्कीले जानकारी दिनुभयो।

आइतबार अपराह्न ४:३० बजेतिर गढवा कालाकाटे सडकखण्डको प्रनाहा नजिक कलभर्टभित्र छिरेर माछा मार्ने क्रममा अक्सिजनको कमी वा चक्कर लागेर पानीमा डुब्दा कुमालको मृत्यु भएको हुन सक्ने प्रारम्भिक अनुमान गरिएको छ।