८ बर्षिया बालिकाको हत्या

बाजुरा । बाजुरामा ८ बर्षकी बालिकाको हत्या भएको छ । जिल्लाको बुढीगंगा नगरपालिका २ नडाङकि ८ बर्षीया बालिका विनिता नेपालीको हत्या भएको हो ।

मानसिक सन्तुलन ठिक नभएका सोही गाउँका ४८ वर्षीय नन्दे सनाइले  धारिलो हतियार प्रहार गरी बालिकाको हत्या गरेको प्रहरीले जनाएको छ ।

 शुक्रवार साँझ वालिकाको घाँटी काटी हत्या गरि टाउको साथमा लिएर आफ्नै घरमा राखेको सूचनाका आधारमा प्रहरीले सनाइलाइ नियन्त्रणमा लिएको हो ।

हत्या आरोपित  सनाइको घर बाट एक थान हँसिया, एक थान बन्चरो र एक थान कोदालो बरामद गरि आवश्यक अनुसन्धान अगाडि बढाइएको जिल्ला प्रहरी कार्यालय बाजुराका प्रमुख प्रहरी नायब उपरीक्षक दिलीप कुमार गिरिले बताउनुभयो ।