महोत्तरी रामगोपालपुर-२ मा ७०.७१ प्रतिशत मतदान
महोत्तरी । महोत्तरीको रामगोपालपुर नगरपालिका–२ को वडाध्यक्षका लागि भएको उप–निर्वाचनमा ७०.७१ प्रतिशतले मत खसेको छ ।
रिक्त वडा अध्यक्ष पदका लागि आइतबार बिहान ७ बजेदेखि ५ बजेसम्म भएको मतदानमा १ हजार ५ सय १४ जनाले मतदान गरेको मुख्य निर्वाचनको कार्यालयका निर्वाचन अधिकृत राजकुमार कोइरालाले बताउनुभयो ।
वडामा कुल २ हजार १ सय ४१ मतदाता रहेका मध्ये ९४० महिला र १ हजार २ सय १ पुरुष मतदाता रहेका छन् । वडाध्यक्षका निर्वाचनका लागि एक मतदान स्थल र दुई वटा मतदान केन्द्र तोकिएको थियो ।
वडाध्यक्ष एक पदका लागि ८ जना दलगत र १० स्वतन्त्र सहित १८ जनाले चुनावी प्रतिस्पर्धामा हुनुहुन्छ ।
प्रतिक्रिया राख्नुहोस्