तेस्रो मेयर कप : हेटौडा उपमहानगर सेमिफाइनलमा प्रवेश

चितवन । पूर्वी चितवनको रत्ननगरमा जारी दुई लाख पुरस्कार राशिको तेस्रो अन्तरपालिका स्तरीय मेयर कप फुटबल प्रतियोगितामा हेटौडा उपमहानगर सेमिफाइनलमा प्रवेश गरेको छ ।

मङ्गलवार भएको दोस्रो क्वाटर फाइनल खेलमा भरतपुर महानगरलाई पराजित गर्दै हेटौडा उपमहानगर सेमिफाइनलमा प्रवेश गरेको हो । निर्धारित समयमा दुवै टिमबाट १/१ को बराबरी भएपछि ट्राई ब्रेकरमा हेटौँडाले भरतपुरलाई ९–८ गोल अन्तरले पराजित गरेको हो । प्रतियोगितामा हेटौँडाका रोशन दोङ म्यान अफ दी म्याच घोषित भएका छन् ।

बुधवार राप्ती नगरपालिका र इच्छाकामना गाउँपालिकाबिच फाइनल प्रवेशका लागि खेल हुनेछ । ‘स्वास्थ्यका लागि खेलकुद, राष्ट्रका लागि खेलकुद’ भन्ने मूल नाराका साथ आर्थिक वर्ष २०८१/०८२ को वार्षिक कार्ययोजना अन्तर्गत तेस्रो अन्तरपालिका स्तरीय मेयर कप फुटबल प्रतियोगिता आयोजना गरिएको खेलकुद विकास समितिले जनाएको छ ।

प्रथम हुने टिमलाई २ लाख ११ हजार १११, द्वितीय हुने टिमलाई १ लाख ५१ हजार १११ सहित पदक, ट्रफि र प्रमाणपत्र प्रदान गरिने जनाइएको छ ।