नेपाल ह्यान्डबल सङ्घको मधेस प्रदेश समिति गठन

वीरगञ्ज । नेपाल ह्यान्डबल सङ्घको मधेस प्रदेश समिति गठन भएको छ । वीरगन्जमा मङ्गलवार सम्पन्न भेलाले युद्ध प्रसाद बजगाईँको अध्यक्षतामा मधेस प्रदेश समिति गठन गरेको हो ।

समितिको उपाध्यक्षमा मनोज शाह, सचिव सोनु पटेल र कोषाध्यक्षमा सोनी कुमारी सोनल चयन हुनुभएको छ । सदस्यहरूमा रुकेश सुयल, एकादशी चौधरी, घनश्याम शाह, मुक्ति नारायण दास थारु र उज्ज्वल कार्की रहनुभएको छ ।

नेपाल ह्यान्डबल संघका केन्द्रिय सदस्य तथा मधेस प्रदेश इन्चार्ज विकाश गिरीको अध्यक्षता तथा राष्ट्रिय खेलकुद परिषद्का सदस्य मानदेव हजाराको उपस्थितिमा सम्पन्न भेलामा राखेपका मधेस प्रदेश कार्यालयका सहायक प्रमुख पन्नालाल साह, नेपाल भलिबल संघका केन्द्रिय सचिव महमद फिरोज अली, नेपाल ह्यान्डबल संघ पर्साका अध्यक्ष सन्दीप बस्नेत लगायतको सहभागिता रहेको थियो ।