कोशी प्रदेश स्तरीय ब्याडमिन्टन प्रतियोगिता सम्पन्न

उदयपुर । उदयपुरको चौदण्डीगढी नगरपालिकामा जारी कोशी प्रदेश स्तरीय ब्याडमिन्टन प्रतियोगिता सम्पन्न भएको छ ।

आइतबार सम्पन्न दोस्रो चौदण्डीगढी कोशी प्रदेश स्तरीय ब्याडमिन्टन प्रतियोगिताको चौदण्डीगढी नगरपालिकाका नगर प्रमुख कालूमान लामाले विजयी खेलाडीहरूलाई पुरस्कार वितरण गर्दै समापन गर्नुभएको हो ।

प्रतियोगितामा प्रदेश स्तरीय मेन्स डबल्स ओपन तर्फ भजन लाल चौधरी (झुम्का) र सन्तोष कटवाल (उदयपुर)को जोडी प्रथम भएका छन् । त्यस्तै श्याम लामा र उत्तम सिम्खडा (सागर फिड प्रा.लि.)को जोडी द्वितीय हुँदा बल बहादुर कार्की र चित्र थापा अनि श्रवण चौधरी (झुम्का) र बिकास श्रेष्ठ (मोरङ)को जोडी तृतीय भएका छन् । उनीहरुलाई क्रमशः प्रथम, द्वितीय र तृतीय हुने जोडीहरूलाई नगद रुपैयाँ ३५ हजार, २० हजार र ७ हजार ५ सय नगद सहित मेडल प्रमाणपत्र र ट्रफी प्रदान प्रदान गरियो ।

प्रदेश स्तरीय मास्टर डबल्स ४५ प्लस तर्फ विशाल तामाङ्ग (भोजपुर) र रोजी राई (उदयपुर) जोडी प्रथम भएको छ । भने विनय चौधरी (उदयपुर) र छाया केरुङ (पाँचथर)को जोडी द्वितीय भएको छ । त्यस्तै सुनिल कार्की (सङ्खुवासभा) र निशाम सुब्बा (इलाम), सत्यम सुब्बा (डिबिसी) र विशाल तामाङ्ग (डिबिसी)को जोडी तृतीय भएको छ । उनीहरुलाई क्रमशः प्रथम, द्वितीय र तृतीय हुने जोडीहरूलाई नगद रुपैयाँ २५ हजार, १५ हजार र ५ हजार नगद सहित मेडल प्रमाणपत्र र ट्रफी प्रदान गरिएको थियो ।

त्यस्तै प्रदेश स्तरीय मिक्स डबल्स तर्फ विनय चौधरी (उदयपुर) र लाक्पा शेर्पा (मोरङ) प्रथम भएका थिए । भने सुनिल कार्की (सङ्खुवासभा) र महेश खड्का (मोरङ) द्वितीय भएका थिए । रबिन साउदेन (डिबिसी), सन्जुहाङ साउदेन (डिबिसी) र सत्यम सुब्बा (डिबिसी) र विशाल तामाङ्ग (भोजपुर) तृतीय भएका थिए । उनीहरुलाई क्रमशः प्रथम, द्वितीय र तृतीय हुने जोडीहरूलाई नगद रुपैयाँ २० हजार, १२ हजार र ४ हजार नगद सहित मेडल प्रमाणपत्र र ट्रफी प्रदान गरिएको थियो ।

जिल्ला स्तरीय मेन्स डबल्स तर्फ भने देभी राजा राई र कमल तामाङ्ग (बेल्टार)को जोडी प्रथम हुँदा लिला पुलामी र कालु प्रसाद उराव (गाईघाट)को जोडी द्वितीय भएका थिए भने दमन कटवाल, मदन राई (बेलका) र सोम तामाङ्ग, राजकुमार थापा (कटारी)को जोडी तृतीय भएका थिए । उनीहरुलाई क्रमशः प्रथम, द्वितीय र तृतीय हुने जोडीहरूलाई नगद रुपैयाँ २० हजार, १२ हजार र ४ हजार नगद सहित मेडल प्रमाणपत्र र ट्रफी प्रदान गरिएको थियो ।

चौदण्डीगढी नगरपालिकाको मुख्य सहयोग तथा स्थानीय व्यवसायीहरू, संघ संस्थाहरूको सहयोगमा प्रतियोगिता नगरको बेल्टार ब्याडमिन्टन क्लबले आयोजना गरेको थियो ।

प्रतियोगितामा कोशी प्रदेशका चौध जिल्लाबाटै खेलाडीहरू सहभागी भएका थिए । तीन दिन सम्म सञ्चालन भएको प्रतियोगिताको शुक्रबार नगर प्रमुख कालूमान लामाले उद्घाटन गर्नुभएको थियो ।