हात्तीको आक्रमणमा परी एक जनाको मृत्यु

झापा । जङ्गली हात्तीको आक्रमणमा परी झापाको दमकमा एक जनाको मृत्यु भएको छ । मृत्यु हुनेमा दमक ३ स्थित दिपज्योति टोलका ४५ वर्षीय मीनबहादुर भण्डारी रहेको जिल्ला प्रहरी कार्यालय झापाले जनाएको छ ।

प्रहरीका अनुसार बिहान २ बजे समय दिपज्योती टोलका सुविन भट्टराईको भान्सा घर हात्तीले भत्काउन थालेपछि हात्ती धपाउन आएका छिमेकी भण्डारीको हात्तीको आक्रमणमा परी मृत्यु भएको हो । हात्तीले भण्डारीलाई १ सय मिटर भन्दा परसम्म लखेटेर आक्रमण गरेको जनाइएको छ ।