नेपाल एयरलाइन्सको जहाजले भैरहवाबाट दुबई उडान गर्ने

काठमाडौँ । नेपाल एयरलाइन्सको जहाजले भैरहवाबाट दुबई उडान गर्ने भएको छ । 

वायुसेवा निगमले जारी गरेको उडान तालिका अनुसार काठमाडौँ–भैरहवा–दुबईमा उडान गर्ने भएको हो । 

काठमाडौँबाट भैरहवा राति ९ः३५ मा उडान गरी भैरहवामा १०ः२५ मा अवतरण गरेर यात्रु राखी दुबईतर्फ उडान गर्ने छ । निगमले अहिले सिधा उडान नभई काठमाडौँबाट भैरहवा भएर उडान गर्दै छ ।  नेपाल नागरिक उड्डयन प्राधिकरणले त्रिभुवन विमानस्थल स्तरोन्नति गर्ने भएसँगै ३० प्रतिशत उडान कटौती गरेको छ । प्राधिकरणले भैरहवा वा पोखराबाट अन्तर्राष्ट्रिय उडान थप गर्न आग्रह गरेको छ । 

अहिलेसम्म भैरहवाबाट नेपाल एयरलाइन्स, थाई एयर एसिया, फ्लाई दुबई, जजिरा एयरले उडान गर्ने तयारी गरेका छन् ।