जीप दुर्घटना हुँदा एक जनाको मृत्यु

बैतडी । बैतडीमा जीप दुर्घटना हुँदा एक जनाको मृत्यु भएको छ।

गोठलापानीबाट भारतीय सीमानाका झुलाघाटतर्फ गइरहेको सुप प्र ०१००१ज १५०० नम्बरको जिप दिउँसो ३ बजेतिर दशरथचन्द नगरपालिका १० भगोडेनोलामा दुर्घटना हुँदा एक जनाको मृत्यु र आठ जना घाइते भएको बैतडीका प्रहरी प्रमुख, प्रहरी नायव उपरीक्षक दीपक गिरीले जानकारी दिनुभयो।

मृत्यु हुनेमा महिला रहेकी र महिलाको परिचय खुल्न बाँकी रहेको प्रहरीले जनाएको छ।

घाइते आठ जनाको जिल्ला अस्पतालमा उपचार भइरहेको छ ।