कालीखोलामा पहिरो जाँदा नारायणगढ मुग्लिन सडक एकतर्फी सञ्चालन
चितवन । नारायणगढ मुग्लिन सडक खण्ड अन्तर्गत कालीखोलामा पहिरो जाँदा सडक एकतर्फी सञ्चालन भएको छ ।
आज अपराह्न पौने २ बजे ईच्छाकामना गाउँपालिका वडा नम्बर ६ स्थित कालीखोलामा माथिबाट पहिरो खसेको जिल्ला प्रहरी कार्यालय चितवनले जनाएको छ ।
सडक डिभिजन कार्यालय सँग प्रहरीले समन्वय गरी सडक खुलाउने प्रयास गरिरहेको छ । सो स्थान मुग्लिन बजारबाट ५ किलोमिटर नारायणगढ तर्फ पर्दछ ।
प्रतिक्रिया राख्नुहोस्