सीमान्तकृत समुदायका महिलाका मुद्दा मूल प्रवाहीकरण गर्न छलफल
काठमाडौँ । राष्ट्रिय महिला आयोगले सीमान्तकृत समुदायका महिलाहरूको सशक्तीकरणका लागि सरोकारवालाहरूसँग अन्तरक्रिया कार्यक्रमको आयोजना गरेको छ ।
अन्तरक्रिया कार्यक्रममा राष्ट्रिय महिला आयोगका अध्यक्ष कमला पराजुलीले सीमान्तकृत समुदायका महिलाहरूलाई राज्यको समावेशी नीतिले समेट्न नसकेको बताउनुभयो ।
उहाँले सीमान्तकृत समुदायका महिलालाई मूल प्रवाहमा ल्याउन सरकारलाई सिफारिस गर्न सरोकारवालाहरूसँग छलफल कार्यक्रमको आयोजना गरिएको बताउनुभयो ।
अन्तरक्रियामा प्रतिनिधि सभाका सांसदहरु, राष्ट्रिय जनजाति आयोग, दलित आयोग, समावेशी आयोगलगायतका आयोगका पदाधिकारीहरूले सुझाव दिनुभयो ।
प्रतिक्रिया राख्नुहोस्